MarketingassistentIn (m/w) 80-100%

DYNOVO AG isch es Handelsunternehme, wo im Bereich Reinraumbekleidig, - verbrauchsmaterial und Schutzbekleidung tätig isch, also alles so Sache wo defür sorged, dass ganz heikli Produkt zum Biispiel ide Pharmaindustrie suuber bliibed.
Mir sueched für eusi neu Standort in Baden-Dättwil per 1. Mai 2024 oder nach Vereinbarung Unterstützung im Marketing

Was de Job beinhaltet

I dere Funktion bisch du verantwortlich defür, dass eusi Website (inkl. Webshop) immer uf em neuste Stand isch und fortlaufend wiiterentwickled wird. Wiiter sorgsch zäme mit eusem Team defür das euses SEO und SEA ned verstaubt. Wenn eusi Kunde Unterstützig mit de Bedienig vo eusem Webshop bruched bisch du ihri ersti Ansprechperson und wicklisch de au grad die Aufträg ab. Ungefähr eis bis zweimal pro Jahr organisiersch du eusi Teilnahm a Fachmessene. S Pflege vo eusem Firme Linkedin Profil und s Update vo technischer Dokumentation im Indesign rundet dis Aufgabepaket ab.

Was du sötsch mitbringe
Du hesch e käufmännischi Ausbildig abgeschlosse und hesch scho inere verglichbare Position geschaffed. Im Idealfall hesch dich im Marketing wiiterbildet. Wichtig weri, dass du scho mal miteme CRM System geschaffed hesch, idealerweise kennsch dich au mit InDesign und Newslettertools bitz us. Sehr gueti Deutschkenntnisse sind zwingend, alli wiitere Sprache sind vo Vorteil.

Was mir dir chönd biete
Mir bietet dir en vielseitige Job inere total spannende Branche, wo sich im Wachstum befindet. Mir sind es etablierts Unternehme und pfleged mit euse Kunde und Lieferante langjährigi Partnerschafte, wodurch gueti Beziehige bestönd. Be eus sind dank de flache Hierarchie d Entscheidigswege kurz, du chasch dini eigene Idee einbringe und selbständig schaffe. Es erwartet dich es engagierts, offenherzigs und hilfsbereits Team wo dich selbstverständlich sorgfältig wird einarbeite. Din wohlerzogene Hund isch beu eus au jederziit herzlich willkomme. Moderni Büro, Parkplatz, Personalrestaurant und zeitgemässi Anstelligsbedingige runded das Ganze ab. 

Du hesch s Gefühl, dass chönti de passendi Job für dich si?
Super, den schick eus doch bitte dini vollständige Bewerbungsunterlage.